Nut Nut: 豉椒飯, 攪乜鬼你個樣咁殘呀?

豉椒飯: 唉, 唔好提喇, 我依家忙緊, 遲啲先至同你傾啦!

Nut Nut: 你鬼鬼祟祟咁喺做做乜呀?

豉椒飯: 咪阻住晒啦, 我喺度 check 緊嘢, 確保屋外一切正常嘛!

豉椒飯: 衰螞蟻, 竟然夠胆闖入椒飯家地盤? 踩死你吖嗱!!!

豉椒飯: 外面應該好安全喇啩...

Nut Nut: 唉, 駛唔駛咁大陣仗呀! 唔通有咩嘢大人物駕到?!

Nut Nut: 唔怪之得啦, 原來係 Lily 公主出巡!!!

Nut Nut: 喂, 豉椒飯, 俾我睇吓 Lily 嘅廬山真面目得唔得呀?

豉椒飯: No ... problem! 但係...我唔夠高呀!

Nut Nut: 隔住塊膠, 我淨係睇到一個大口咋!

豉椒飯: 唉, Nut 仔! 自從做咗大佬之後, 我成日都週身唔得閒呀! 出親街都要眼觀四面耳聴八方保護 Lily, 十足G4特工咁, 忙到連玩都冇時間呀慘!

Nut Nut: 呵呵呵, 唔怪之得人地話大佬唔易做啦! 睇吓豉椒飯佢以後仲邊有時間整蠱我!